Napigilan ng mga awtoridad ang hinihinalang planong malaking terrorist attack sa Netherlands.
Kasabay nito, naaresto ang pitong lalaki na nagtatangkang magpuslit ng mga AK-47 na baril, granada at mga materyales sa paggawa ng bomba na gagamitin umano ng mga ito sa planong pag-atake.
Ayon sa mga prosecutors sa Netherlands, tatlo sa pitong inarestong lalaki ay nadakip na rin noon dahil sa tangkang pagbiyahe sa ibang bansa para sumali sa grupo ng mga dayuhang terorista.
Sinasabing target gawin ng mga suspek ang pagpapasabog sa isang malaking okasyon sa Netherlands na dinadaluhan ng maraming tao.
—-
