Inatasan ni PNP Cheif Director General Oscar Albayalde ang Anti-Cybercrime Group para tukuyin ang ilang indibidwal na nagpapakalat ng “fake crime” reports sa social media.
Ito’y matapos kumalat ang balita kaugnay sa sunod-sunod umanong insidente ng nakawan sa Quezon City.
Ayon kay Albayalde, handa silang magsampa ng kaso sa sinomang mapapatunayang sangkot sa pagkakalat ng fake news lalo na sa social media.
Dagdag pa ng hepe, posible rin aniya na ang ilang pulis na nasibak sa serbisyo ang may kagagawan nito dahil alam nila umano kung papaano sisirain ang imahe ng kapulisan.
