Umaabot na sa mahigit 1,100 ang kabuuang bilang ng kumpirmadong kaso ng coronavirus disease 2019 (COVID-19) sa Quezon City.
Batay sa pinakahuling bulletin ng Department of Health (DOH), nasa 133 sa nabanggit na bilang ang nakarekober na habang 106 naman ang nasawi.
Pinakamaraming naitalang kaso ng COVID-19 ang Barangay Batasan Hills na mayroong 43.
Sinundan ng Matandang Balara na mayroong 35 at Culiat na merong 31 kaso.
Samantala nasa 34 na mga barangay naman ang isinailalim na sa extreme enhanced community quarantine dahil sa mataas na bilang ng naitatalang kaso ng COVID-19.
