Nalalabing ASG members sa Bohol posibleng nagtatago sa mga kuweba

Posibleng nagtatago sa mga kuweba sa Clarin, Bohol ang mga nalalabing miyembro ng Abu Sayyaf.

Ito ayon kay Clarin Mayor Allen Pieza ay dahil mayroon silang pitong (7) kuweba sa kanilang bayan.

Magugunitang nagtago umano sa isang kuweba ang mga bandidong napatay sa ikalawang engkuwentro ng mga awtoridad.

Gayunman, sinabi ni Pieza na posible ring may ibang local contact ang mga bandido sa Bohol bunsod na rin nang pagtatangka umanong pag-rescue sa kanila ng kasamahan si Reenor Lou Dungon kasama ang kasintahan umanong si Police Supt. Maria Cristina Nobleza.

Inamin ni Pieza na takot pa rin ang mga residente nila bagamat hinihimok niya ang mga itong bumalik na sa kani-kanilang mga bahay.

By Judith Larino

Comments

comments