Nasa tatlumpo (30) hanggang apatnapu (40) na lamang ang bilang ng mga nalalabing miyembro ng Maute terror group sa Marawi City.
Ito ay ayon kay Defense Secretary Delfin Lorenzana, na bagama’t konti na lamang ay magagaling umasinta at makipagbakbakan.
Aniya hanggang ngayon ay nagkakaroon pa rin ng casualties sa tropa ng pamahalaan kung saan 5 sundalo ang naitalang sugatan kahapon habang isa naman ang napatay noong nakalipas na tatlong araw.
Dagdag pa ni Lorenzana, pinangangambang gawing suicide bomber ng mga terorista ang tinatayang nasa 30 sibilyan na bihag ng mga ito.
