Patay ang labing isang (11) sundalo habang sugatan ang pitong (7) iba pa matapos tamaan ng sariling airstrike ng Armed Forces of the Philippines o AFP sa Marawi City.
Ayon kay Brig. General Restituto Padilla, spokesman ng Armed Forces of the Philippines, sa hindi pa malamang dahilan ay nag-iba ng direksyon ang ibinagsak na bomba ng kanilang eroplano.
Bumuo na anya ng board of inquiry si AFP Chief of Staff General Eduardo Año na syang inatasan ng Department of National Defense (DND) na manguna sa imbestigasyon.
“One of our SF260 Aircraft conducting airstrike, that day was successfully hitting its assigned target in its earlier sorties. However, it was unfortunate that the last ordinance round, it delivered when wayward for an unknown reason and accidentally hit and caught the lives of our ground forces”.
“Immediately following this unfortunate incident, a board of inquiry was created on the instructions of the Armed Forces of the Philippines Chief of Staff to determine what went wrong and insure no such incident ever happen again”, ani Padilla.
Airstrikes sa Marawi City lilimitahan
Pansamantalang sinuspindi ng Armed Forces of the Philippines ang airstrikes sa Marawi City.
Kasunod ito ng pagkamatay ng labing isang (11) sundalo at pagkasugat ng pitong (7) iba pa sa sariling airstrike ng militar o ang tinatawag nilang ‘friendly fire’.
Ayon kay Defense Secretary Delfin Lorenzana, posibleng nirerepaso ng ground commanders ang kanilang mga taktika matapos ang malungkot na pangyayari.
Ipinauubaya na anya nila sa kanilang ground commanders na sina Brig. General Rolando Bautista ng Joint Task Force Marawi at Lt. General Carlito Galvez ng Western Mindanao Command kung lilimitahan ang airstrikes.
“It will be the call of the commander of DND the strikes, pero medyo limitahan muna natin yung strike to the aircraft that can deliver accurately. The first aircraft it targets squarely yung pangalawa kase, dala-dalawa kasi yan eh, they’re operating in tandem. So, we do not know yet kung anong nangyari, we are still investigating”, pahayag ni Lorenzana.
By Len Aguirre | With Report from Jonathan Andal
