Patay ang 11 sundalo habang 13 ang sugatan sa nangyaring suicide attack malapit sa isang army base sa Pakistan.
Ayon sa Pakistan Army Public Relations, nangyari ang suicide attack sa Swat Valley sa bahagi ng sports area ng kanilang military base habang naglalaro ng volleyball ang mga sundalo.
Inaasahan din nila na tataas pa ang bilang ng mga nasugatan dahil ilang mga sibilyan din ang nanood sa volleyball tournament.
Inako na ng grupong Tehreek-e-Taliban o kilala bilang Pakistani Taliban ang nasabing pag-atake.
Samantala, kinondena naman ni Pakistani Prime Minister Shahid Khaqan Abbasi ang nasabing pag-atake at tiniyak na patuloy ang kanilang laban kontra terorismo.
Posted by: Robert Eugenio
