Sinisilip na ng Quezon City Police District (QCPD) kung konektado sa nadakip nilang tatlong (3) dealers ang pagpatay kay Ma. Aurora Moynihan, kapatid na babae ng aktres na si Maritoni Fernandez.
Ayon kay Senior Supt. Guillermo Eleazar, hepe ng QCPD, ang tatlong nadakip nila nitong nakaraang linggo ay pawang sangkot sa party drugs tulad ng ecstasy.
Sinabi ni Eleazar na bagamat wala sa watchlist ng QCPD si Moynihan dati na itong naaresto sa isang drug bust operations noong February 2013 at kasalukuyan pa ring dinidinig ang kaso nito.
Itinuturing anya nilang breakthrough sa kampanya laban sa party drugs ang magkakasunod na kasong may kinalaman sa ecstasy.
Si Moynihan ay natagpuang patay sa Barangay Ugong Norte Quezon City at katabi nito ang cardboard na may nakasulat na “Drug Pusher ng mga Celebrities, Kasunod na Kayo.”
Bahagi ng pahayag ni QCPD Director Senior Supt. Guillermo Eleazar
By Len Aguirre | Ratsada Balita
