Pinagsabihan ni Sandiganbayan presiding Judge Amparo Cabotaje Tang si pork barrel scam queen Janet Lim-Napoles.
Bunsod ito sa hindi mapigilang pagpalakpak at biglaang pagtawa ni Napoles habang nagbibigay ng salaysay si pork scam whistleblower Benhur Luy sa pagpapatuloy ng kaniyang bail motion hearing.
Dahilan upang magtaka ang mga mahistrado gayundin ang lahat ng nasa loob ng korte dahil sa mga kakaibang ikinikilos ni Napoles.
Kasunod nito, hindi na napigilan ni Justice Tang ang kaniyang sarili at pinagsabihan na nito si Napoles na itigil na ang kaniyang mga ginagawa habang nagpapatuloy ang pagdinig.
By Jaymark Dagala | Jill Resontoc (Patrol 7)
