Nasa 11 milyong piso na halaga ang tinanggap ng Philippine National Police (PNP) mula sa Philippine Charity Sweepstakes Office (PCSO).
Sinabi ni PNP chief police general Rodolfo Azurin, gagamitin ang pondo sa pagpapalakas ng healthcare program ng PNP.
Aniya, ilalaan ito sa PNP health service para sa pag-upgrade ng kanilang mga kagamitan.
Pambibili rin ito ng mga gamot para sa mga pulis at kanilang dependents.
Samantala, sinabi naman ni Azurin na puspusan pa rin ang kanilang kampanya laban sa ilegal na sugal.
May atas aniya siya sa lahat ng kanilang mga commander na i-monitor ang kanilang nasasakupan at nananatili paring umiiral ang one strike policy kung saan sisibakin sa puwesto ang mga pabayang commander.