Tinatayang 250 milyong pisong halaga ng shabu na tumitimbang ng 36 na kilo ang nasabat sa Dasmariñas City, Cavite.
Isinagawa ang operasyon ng pinagsanib na pwersa ng PNP-Criminal Investigation and Detection Group, Cavite Provincial Police Office at Philippine Drug Enforcement Agency.
Sa bisa ng search warrant na inissue ni Judge Agripino Morga ng San Pablo City, Laguna Regional Trial Court Branch 32, sinalakay ang isang bahay sa Pacific Park Place Village sa Governor’s Drive, Barangay Paliparan 1.
Natunton ang lugar matapos maaresto sa Quezon City kahapon ang nangungupahan sa bahay na kinilalang si Jim Wahting, isang Chinese national at Patrick Ban Kee na isa umanong Filipino-Chinese.
Naniniwala si PDEA Chief, Dir. Gen. Aaron Aquino na may kaugnayan ang mga nasabat na droga sa Dasma sa nadiskubreng shabu warehouse sa bayan ng Tanza noong isang linggo.
