Halos 30 miyembro ng Islamic State ang nasawi sa bakbakan at airstrikes ng US-led coalition sa Iraq.
Ayon sa ulat, binayo ng coalition warplanes ang pagawaan ng bomba ng mga militante sa Ramadi kung saan 20 agad ang namatay habang dose-dosena ang mga nasugatan.
Kumitil naman ng limang buhay ang matinding engkwentro sa pagitan ng mga rebelde at Iraqi forces sa bayan ng Garma.
Samantala, limang militante rin umano ang nasawi sa pambobomba ng Iraqi army sa Fallujah na nakubkob na ng Islamic state.
By Jelbert Perdez
