Tinatayang kalahating milyong pisong halaga ng iligal na droga ang nasabat ng Philippine Drug Enforcement Agency o PDEA sa Quezon City.
Kabilang sa mga narekober ng PDEA sa isang apartment sa Barangay Sacred Heart ang ilang sachet ng ecstasy tablets at capsules, mga boteng naglalaman ng liquid ecstasy at isang plastic bag ng marijuana.
Ayon kay PDEA-National Capital Region Director Levi ortiz, arestado naman ang sinasabing drug dealer na si Jerome Cheng at kasabwat nitong si Phil Angelo.
Tumagal anya ng isang buwan ang surveillance at mayroon ding video footage na nakabili sila ng droga mula sa mga suspek.
Samantala, bagaman aminado si Cheng na nagbebente ng iligal na droga, itinanggi nitong sa kanya lahat ang mga nasabat na ecstasy.
