Aabot na sa isandaang (100) residente sa Papua sa Indonesia ang pinangangambahang nasawi dahil sa measles outbreak.
Ayon sa tagapagsalita ng Papua military na si Muhammad Aidi, nasa kabuuang animnapu’t siyam (69) na mga bata na ang nasawi sa liblib na lugar sa Asmat Region.
Dalawampu’t pito (27) naman ang sinasabing nasawi sa isa pang mabundok na distrito sa Oksibil.
Sinabi ni Aidi na bagaman maituturing na isang mild disease lamang ang naturang measles ngunit dahil sa mga pawang malnourished ang mga residenteng tinatamaan ng sakit kaya hindi ito kinakaya ng kanilang katawan.
Samantala, nagpadala na ang gobyerno at militar ng mga medical teams para masagip pa ang ibang apektadong residente.
—-
