Umabot na sa tatlo ang nasawi habang nananatili sa evacuation center kasunod ng pag-aalburuto ng Bulkang Taal.
Kinilala ang biktimang evacuee na si Felina De Roxas, 57 years old at naninirahan sa San Pascual, Batangas.
Base sa ulat, naglalaba lamang si Felina sa loob ng evacuation center nang bigla na lamang atakihin sa puso.
Agad umanong isinugod sa pagamutan ang biktima ngunit bigo nang maisalba pa ang kanyang buhay.
Una nang pumanaw noong Martes sina Ma. Teresita Valienye na taga – Talisay, Batangas matapos magkaroon ng acute myocardial infraction at Danilo Toledo na residente naman ng Taal, Batangas, at nasawi dahil sa cardiac arrest.
