Sumampa na sa halos siyam na libong Ukranian Armed Forces ang nasawi bunsod ng nagaganap na gulo sa pagitan ng Ukraine at Russia.
Ito ang kinumpirma ni ukraine armed forces commander-in-Chief General Valeriy Zaluzhnyi sa isang conference na nagbigay ng parangal ang mga beteranong militar na napatay sa naturang bakbakan gayundin ang kanilang mga naiwang pamilya.
Wala namang nabanggitang opisyal kung kasama sa bilang ng mga nasawi ang mga service personnel na napatay sa aksyon gaya ng mga border guard.
Samantala, sinabi naman ni President Volodymr Zelensky na tinatayang nasa isang milyong indibidwal ang nagtanggol sa Ukraine bilang bahagi ng sandatahang lakas ng bansa.
