Sabay-sabay magpapatunog ng kampana ang mga government agency sa buong bansa ngayong araw, mamayang alas-9 ng umaga.
Ito’y bilang paggunita sa ika-28 National Family Week simula ngayong araw, ika-21 hanggang ika-27 ng Setyembre.
Ayon sa National Committee on the Filipino Family (NCFF) na pinamumunuan ng Department of Social Welfare and Development, ang pagpapatunog ng kampana o tinawag na “ring a family bell” ay sumisimbolo ng pambansang kamalayan at pangako na gunitain ang pagkakaisa ng pamilyang Pilipino.
Kaugnay nito, hinihimok ng NCFF ang publiko na makiisa sa pagdiriwang na may temang “Tungo sa Maginhawa, Matatag at Panatag na Pamilyang Pilipino”.
