Nilinaw ni National Task Force Against COVID-19 Medical Adviser Doctor Ted Herbosa na ang BA.1 at BA.2 ‘Stealth Omicron’ ay sub-variant nito.
Sa panayam ng DWIZ, sinabi ni Herbosa na tinawag itong ‘Stealth Omicron’ dahil mayroong pagbabago o changes sa RNA sequence ng kanilang code.
Aniya, kahit na may neutralizing antibody ang isang tao sa katawan ay posible pa ring tamaan ng COVID-19 dahil may taglay na antibody escape ang nasabing sub-variant.
Samantala, sinabi ni herbosa na pareho lamang ang nararamdaman ng isang tao sakaling tamaan ng naturang ‘stealth variant’. - sa panulat ni Airiam Sancho
