Inilabas na ng National Basketball Association (NBA) ang iba pang manlalaro na kasama sa reserves sa nalalapit na pagdaraos ng All-Star Weekend.
Kabilang dito sina; Jimmy Butler ng Miami Heat para sa Eastern Conference na sasamahan ng first-time members na sina Darius Garland ng Cavaliers at Fred Vanvleet mula sa Raptors.
Magiging bahagi rin sina James Harden ng Brooklyn, Zach Lavine mula sa Bulls, Khris Middleton ng Bucks at si Jayson Tatum ng Celtics.
Ang NBA All-Star Draft Show ay magaganap sa Pebrero a-10 kung saan pipili ang dalawang team captains na sina James at Durant ng kanilang players.
Habang sa Pebrero a-20 magaganap ang All-Star Game sa Cleveland. —sa panulat ni Abby Malanday
