Pumasok na ang National Bureau of Investigation (NBI) sa imbestigasyon hinggil sa pagkamatay ng flight attendant na si Christine Dacera.
Ito’y makaraang pormal nang atasan ni Justice Secretary Menardo Guevarra ang NBI para pangunahan ang hiwalay na pagsisiyasat nila sa kaso.
Kasunod nito, binilinan din ni Guevarra si NBI officer-in-charge Eric Distor na magsampa ng kaukulang reklamo sakaling may makitang matibay na ebidensyang magdiriin sa mga itinuturong suspek.
Pinag-uulat din ng kalihim ang nbi sa loob ng 10 araw hinggil sa pinakahuling development sa pag-usad ng ginagawa nilang pagsisiyasat.
