Pinaalalahanan ni NCRPO Chief Brig. Gen. Debold Sinas ang nasa 3,000 bagong promote na pulis sa Metro Manila ng tamang pagganap ng kanilang tungkulin.
Sa pagharap ni Sinas sa mga pulis, sinabi nito na dapat ay maging tutok sila sa kanilang trabaho kaya’t mahigpit na pinagbabawal ang paggamit ng cellphone at pagbababad sa social media habang naka-duty.
Ipinabatid din ng NCRPO Chief na hindi niya ipatatapon sa Mindanao ang mga pulis na masasangkot sa anomalya, sa halip ay hahayaan niya itong manatili sa Metro Manila para maging mabilis ang imbestigasyon at agad na maparusahan.
Gayunman, naniniwala si Sinas na kakaunti na lang ang pasaway na pulis sa kalakhang Maynila.
