Handa na ang NCRPO sa idaraos na unang SONA o State of the Nation Address ng Pangulong Rodrigo Duterte sa July 25.
Ayon kay NCRPO acting director Chief Supt. Oscar Albayalde, pinakilos na niya ang lahat ng district directors, chiefs of police at station commanders para pairalin ang maximum tolerance at igalang ang karapatang pantao sa mga magsasagawa ng kilos protesta sa SONA.
Sinabi ni Albayalde na bahagi ng paghahanda nila sa SONA ang idaraos na civil disturbance management competition sa Quirino Grandstand ngayong araw na ito.
Makikita aniya sa kumpetisyon kung gaano kahanda ang mga police districts sa pagbibigay ng seguridad sa iba’t ibang aspeto.
By Judith Larino
