Tiwala ang National Capital Region Police Office (NCRPO) na malaki ang maitutulong ng binuong quad intel force para tuluyang masugpo ang operasyon ng iligal na droga sa New Bilibid Prison (NBP).
Ito ay sa pamamagitan ng maibabahaging impormasyon ng quad intel force o pinagsanib na pwersa ng NCRPO, PDEA, NBI at AFP sa pamunuan ng Bureau of Corrections (BuCor).
Ayon kay NCRPO Director Major General Guillermo Eleazar, plano rin nilang maglagay ng liason office sa NBP para mas mapabilis ang koordinasyon at pagtugon sa makukuhang impormasyon hinggil sa transaksyon ng iligal na droga na kinasasangkutan ng inmate.
Magsisilbi aniyang mata at tenga ng mga otoridad ang quad intel force liason office sa NBP.
