Nagsagawa ng surpresang drug test kahapon ang National Capital Region Police Office (NCRPO) sa kanilang hanay.
Kasunod na rin ito ng utos ni DILG Secretary Benhur Abalos Jr., sa mga matataas na ospiyal ng PNP na maghain ng courtesy resignation na daan para mahuli ang mga ospiyal na sangkot sa iligal na droga.
Mismong si NCRPO Regional Director Police Brigadier General Jonnel Estomo ang nanguna sa pagsailalim sa mandatory drug test ng 67 full colonels and generals ng Metro Manila District na naganap sa Camp Bagong Diwa, Taguig City.
Tiniyak naman ni Estomo, bilang regional-director ng NCRPO na ibibigay ang buong suporta sa desisyon ni Sec. Abalos para malinis ang kanilang hanay laban sa iligal na droga.
