Isasailalim ng National Capital Region Police Office sa red alert ang Metro Manila sa pagsisimula ng simbang gabi.
Papalakasin din ng NCRPO ang kanilang seguridad sa paligid ng mga simbahan at sa loob nito.
Nauna nang inilagay ng Philippine National Police sa heightened alert ang National Capital Region matapos ang pambobomba sa Mindanao State University.
Mayroon na ring mga checkpoint sa mga border ng Metro Manila at Bulacan, at pinaigting din ng mga otoridad ang seguridad sa mga terminal ng bus, malls, at iba pang matataong lugar. - sa panulat ni Charles Laureta
