Namahagi ng christmas gift ang National Capital Region Police Office (NCRPO) sa 300 kabataan sa open air auditorium, Rizal Park sa Ermita, Maynila.
Ayon kay NCRPO Chief Major General Vicente Danao Jr., katuwang ng kanilang mga tauhan sa pamamahagi ng mga munting regalo ang mga tauhan ng manila police district sa pangunguna naman ni MPD Pol/ Brig. Gen. Leo Francisco.
Bukod pa dito, nagpakain din ang naturang ahensya at naghatid ng libreng gupit sa tulong naman ng mga tauhan ng regional mobile force battalion.
Samantala, namahagi din ang NCRPO team ng grocery bags at cash sa 150 residenteng naninirahan sa riles na sakop ng barangay Tanyag, Taguig City.
Layunin ng kanilang ahensya na maiparamdam ang mayasang kapaskohan sa pamamagitan ng pagbibigayan at pagmamahalan. — Sa panulat ni Angelica Doctolero
