Sinagot ng National Capital Region Police Office (NCRPO) ang akusasyon ng grupong bayan laban sa Quezon City Police District (QCPD).
Ito’y makaraaang almahan ng grupo ang pagbasura sa hirit nilang mabigyan ng permit to rally sa huling State Of The Nation Address (SONA) ni Pangulong Rodrigo Duterte sa Lunes, Hulyo 26.
Ayon kay NCRPO Director, Police Maj/Gen. Vicente Danao Jr., ang lokal na pamahalaan ang may kapangyarihan para magbigay ng permit to rally at sila lamang ang siyang tagapagpatupad nito.
Kasunod niyan, hinimok ni Danao ang mga militanteng grupo na idaan na lang sa ibang paraan ang kanilang paghahayag ng saloobin at manatili sa bahay dahil sa nariyan pa rin ang banta ng COVID-19.
