Nakapagtala ng pinsala sa imprastraktura at mga kabahayan ang National Disaster Risk Reduction and Management Council (NDRRMC) matapos ang magnitude 6.4 na lindol na tumama sa Abra kagabi.
Batay sa initial report na inilabas ng ahensya, dalawang imprastraktura ang nasira sa Allacapan, Cagayan habang ayon sa municipal government ay dalawang kalsada ang nagtamo ng minor cracks.
Sa Aparri, dalawang bahay ang nasira kung saan isa ang partially damaged habang isa ang totally damaged.
Napinsala rin ng lindol ang Filipina Independiente Church sa La Paz, Abra.
Nakaranas naman ng power interruptions ang Allacapan at Gattaran sa Cagayan.
