Inilagay sa half mast ang bandila ng Pilipinas sa Senado sa flag raising ceremony kaninang umaga bilang pagpupugay sa isa sa mga naging haligi nito.
Itinakda na rin ang necrological service para kay dating Senate President Aquilino ‘Nene’ Pimentel sa Miyerkules, October 23.
Kabilang sina Senate President Vicente ‘Tito’ Sotto III at dating Senador Francisco Kit Tatad sa mga dumalaw kagabi sa burol ni Pimentel sa Heritage Memorial Park sa Taguig City.
Dadalhin naman ang labi ni Pimentel sa Cagayan De Oro City simula sa Miyerkules ng hapon hanggang sa Umaga ng Biyernes bago ibalik sa Metro Manila para sa paghahatid dito sa huling hantungan.
Magugunitang kahapon nang namayapa si Pimentel sa edad na 85 dahil sa lymphoma at pneumonia.
