Naalarma ang National Economic and Development Authority sa mataas na bilang ng mga kabataang walang trabaho o walang ambag sa ekonomiya ng bansa.
sinabi ni Socio-economic Planning Secretary Emmanuel Esguerra, higit sa labing-apat na porsyento ang bilang ng mga kabataang walang trabaho, patambay-tambay lang at makalawang beses ang taas mula sa higit anim na porsyentong unemployment rate sa bansa noong buwan ng Abril.
Katumbas aniya ito ng higit sa Apat na milyong mga kabataang pinoy na hindi nagagamit ang kanilang kakayahan lalo na ang mga hindi nakatuntong sa eskuwelahan, walang pagsasanay o walang anumang trabaho.
Sinabi ni Esguerra, mataas din ang underemployment, o ang nagtatrabaho subalit gusto pa ng dagdag na mapagkakitaan sa bilang na higit labingwalong porsyentyo noong buwan ng Abril, mas mataas sa target ngayong 2016, at karamihan sa mga ito ay sa agriculture at service secrtor.
By: Avee Divierte
