Bahagyang nagkaroon ng gulo sa loob ng New Bilibid Prisons (NBP) matapos ang isinagawang demolisyon sa mga ilegal na istruktura sa loob ng naturang piitan.
Inilipat sa Quadrant 2 at 3 ang mga preso mula sa Quadrant 1 at 4 dahil sa demolisyon.
Pagkatapos ikandado ang gate ay nagpumilit ang mga preso na buksan ito para bumalik sa kabilang quadrant.
Ayon kay Bureau of Corrections spokesperson Alberto Tapiru, nagkaroon ng pangha-harass sa mga nurse na nasa piitan kaya napilitang magpakawala ng warning shots ang mga bantay.
Agad namang nakontrol ang sitwasyon sa loob ng piitan.
