Coronavirus disease 2019 (COVID-19) free na ang New Zealand.
Kasunod ito ng balita ni New Zealand Prime Minister Jacinda Ardern na nakalabas na ng ospital ang natitirang pasyente ng COVID-19.
Mananatili namang nakasara ang borders sa buong bansa sa takot na posibleng manggagaling ang mga bagong kaso sa mga taong papasok ng kanilang bansa.
Inanunsyo rin ng prime minister na nagkasundo ang mga gabinete na tanggalin ang lahat ng natitirang virus restrictions sa buong bansa simula mamayang hatinggabi.
Sa ngayon ay nakapagtala ng 1, 500 cases ng COVID-19 ang bansa at 22 rito ay nasawi.
