Limitado lamang sa isang kilo kada tao ang maaaring bilhing NFA rice sa Bacolod City.
Ayon kay NFA Provincial Manager Frisco Canoy, ito ay dahil sa limitado ring suplay ng bigas mula sa National Food Authority.
Sinabi ni Canoy na kanila ring binibigyan ng prayoridad ang mga target beneficiaries ng NFA para sa distribusyon ng suplay ng bigas.
Nabatid na 30,000 ng sako na lamang ng bigas ang naiwan ngayon sa bodega ng NFA sa kanilang lalawigan na kailangan umano nilang pagkasyahin habang hindi pa dumarating ang suplay ng bigas.
Inaasahan sa Setyembre ang delivery ng 130,000 sako ng imported na bigas na madadagdag sa buffer stock ng lalawigan.
