Hihingi ng budget ang National Historical Commission of the Philippines (NHCP) sa Department of Budget and Management (DBM) para ipaggawa ang tatlong simbahan sa pampanga na nasira ng magnitude 6.1 na lindol nuong Lunes.
Ayon kay NHCP Chairperson Rene Escalante, lumalabas sa inspeksyon nilang nagkaruon ng danyos dahil sa lindol ang tatlong simbahan sa Angeles City, Lubao at Guagua na naideklara bilang national historical landmarks.
Hindi pa naman nila mabatid kung magkano ang danyos ng lindol sa mga nasabing simbahan.
Sinabi ni Escalante na sa ngayon ay ipinasasara muna nila sa mga nangangasiwa sa tatlong simbahan ang mga ito para na rin sa kaligtasan ng publiko.
