Nakatakdang ikasal sa ikalawang pagkakataon ang kapamilya actress na si Nikki Valdez.
Ito ay matapos na mag propose kay Nikki ang kanyang non -showbiz boyfriend na si Luis Garcia.
Nangyari ang proposal ng BF ni Nikki habang nasa bakasyon sila sa Vigan, Ilocos Sur noong christmas eve.
Hiningi ni Luis ang tulong ng kanilang mga pamilya at kaibigan para mag propose kay Nikki sa makasaysayang Calle Crisologo.
Sa pamamagitan ng instagram, nagpasalamat si Nikki sa kanyang husband to be dahil ginawa nitong memorable at ispesyal ang kanyang pasko.
Una nang ikinasal si Nikki sa kanyang Fil – Canadian husband na si Christopher Lina noong 2007 kung saan siya nagkaroon ng isang anak ngunit nagkahiwalay matapos lamang ang dalawang taon.
