Ipatutupad ng Philippine Sports Commission (PSC) ang ‘No Vaccine, No Entry’ Policy kapag nagpatuloy na ang pagsasanay ng mga piling pambansang koponan na hindi mas maaga sa Enero 10, 2022.
Ginawa ng ahensya ang panuntunan kasama ang pag-apruba sa pagpapatuloy ng pagsasanay para sa mga piling pambansang koponan sa Rizal Memorial Sports Complex, Philsports Complex, at Baguio Training Camp.
Kaugnay nito, sinabi ng PSC na naaprubahan dinang mga alituntunin para sa kaligtasan ng mga nasabing team.
Kasalukuyang sinusuri ng ahensya ang mga pasilidad upang matiyak na maipatutupad ang mga hakbang sa kaligtasan kung saan nakipag-ugnayan na rin ito sa lokal na pamahalaan ng mga nasabing lugar.
Matatandaang, ginamit bilang quarantine facility para sa mga pasyenteng may COVID-19 ang ilang PSC venue. —sa panulat ni Airiam Sancho
