Patay ang isang miyembro ng NPA o New People’s Army matapos na maka-engkwentro ang militar at rebeldeng grupo sa Lian, Batangas kahapon.
Ayon kay Army 2nd Infantry Division Commander Major General Rhoderick Parayno, nagpadala sila ng sundalo sa barangay Lumaniag matapos na makatanggap ng tip na mayroong extorsion activity ang mga rebelde sa lugar.
Aniya, nasawi sa labing limang (15) minutong bakbakan ang hindi pa kilalang rebelde habang wala naman nasaktan sa tropa ng gobyerno.
Narekober din sa lugar ang tatlong (3) rifle na naiwan ng mga tumakas na rebelde.
By Rianne Briones
