Nagnegatibo sa paggamit ng iligal na droga si Police Senior Master Sergeant Jonel Nuezca, ang pulis na harap-harapang bumaril at pumatay sa naka-alitang mag-ina sa Paniqui, Tarlac.
Kinumpirma ito mismo ni Paniqui Municipal Police Station Chief Police Lt. Col. Noriel Rombaoa.
Ayon kay Rombaoa, isinalang si Nuezca sa drug test bilang bahagi na rin sa imbestigasyon at paghahain ng kaso laban dito.
Si Nuezca ay kasalukuyang nahaharap sa dalawang bilang ng murder kasunod ng pagpatay sa mag-inang sina Sonia At Frank Anthony Gregorio.
Bago ang pamamaril, nakunan din sa kumalat na video ang mainit na pagtatalo nina Nuezca at ng dalawang biktima na nag-ugat umabo sa paggamit ng boga.
