Hindi aatras sa hamon ang Chief of the Directorial Staff at Number 4 Man sa Philippine National Police (PNP) na si Police Lieutenant General Dionardo Carlos para pamunuan ang kanilang hanay.
Isa si Carlos sa mga top contenders sa pagiging PNP Chief kapalit ng magreretiro nang si Police General Guillermo Eleazar sa Nobyembre 13.
Nagsilbing tagapagsalita ng PNP sa panahon ni Sen. Ronald Bato Dela Rosa na boses nang ilunsad ang kampaniya kontra iligal na droga ng administrasyong Duterte.
Kabilang si Carlos sa limang pangalang isinumite ni Interior and Local Government Sec. Eduardo Año na kwalipikadong pumalit kay Eleazar sa puwesto.—sa panulat ni Joana Luna at sa ulat mula Jamark Dagala (Patrol 9)
