Nagbigay na ng kanyang farewell speech si US President Barack Obama sa harap ng milyon-milyong Amerikano bago ang pormal niyang pagbaba sa puwesto sa Enero 20.
Isinagawa ang pamamaalam ni Obama sa Chicago na siyang lugar din noon kung saan niya idineklara ang kanyang pagkapanalo noong 2008 at 2012.
Dito inilatag ni Obama ang mga nagawa ng kanyang administrasyon kabilang ang pagpapanumbalik sa relasyon ng US at Cuba, pagpapasara ng nuclear weapons program ng Iran, pagkakaaresto sa suspek ng 9/11 terrorist attack, marriage equality at Obama health care program para sa milyon-milyong mga Amerikano.
Kasabay nito, tiniyak ni Obama ang mapayapang paglipat ng kapangyarihan kay President-elect Donald Trump.
By Ralph Obina
