Isa umanong scammer ang nag-aalok ng negatibong COVID-19 test nang walang appearance sa halagang P1,000.
Ibinunyag ng isang netizen na si alyas Elma na isa umanong empleyado ng Hero Laboratories, ang nag-aalok instant negative RT-PCR results nang hindi na kailangang dumaan sa swabbing.
Ayon kay Elma, inalok siya ng nasabing empleyado na nagsabing marami na itong natulungan para sa kanilang travel requirements.
Agad namang isinumbong ng netizen sa Department of Health ang naturang facebook account ng sinasabing empleyado ng hero lab subalit deactivated na ito.
Itinanggi na ni Hero Laboratories Operations Manager Gian Cauton na empleyado nila ang suspect at iginiit na mayroong security features ang kanilang certificates at hindi basta nagagaya.
Samantala, nakikipag-ugnayan na Hero Lab sa National Bureau of Investigation kaugnay sa issue. —sa panulat ni Drew Nacino
