Nanalo ang isang Overseas Filipino Worker (OFW) ng 10 milyong United Arab Emirates Dirham (AED 10-M) o katumbas ng mahigit isang daang milyong piso (P136.32-M) sa weekly live Mahzooz raffle grand draw sa Dubai.
Kinilala ang OFW na si Patricio, 52 anyos at superbisor sa isang kumpanya ng petrolyo.
Labis nitong ikinatuwa ang pagkapanalo dahil isang dekada na aniya siyang nagtatrabaho para sa kaniyang pamilya at anak na may malubhang kalagayan.
Dagdag pa niya, oras na para umuwi ng Pilipinas upang makasama ang mga mahal sa buhay.
Samantala, hinikayat ni Patricio ang iba pang residente ng UAE na subukang sumali sa raffle ng Mahzooz.—sa panulat ni Airiam Sancho
