Tulad ng inaasahan, muling nagpatupad ng dagdag presyo sa kanilang mga produktong petrolyo ang mga kumpaniya ng langis.
Epektibo alas-6:00 ngayong umaga, P0.65 na taas presyo sa kada litro ng diesel, P0.70 sa kada litro ng kerosene at P0.10 sa kada litro ng gasolina ang kumpaniyang Petron.
Kaparehong presyo rin ang itataas ng mga kumpaniyang PTT at Phoenix Petroleum sa kanilang gasolina at diesel.
Habang sa diesel at kerosene lamang may pagtaas sa presyo ang mga kumpaniyang Seaoil at Shell.
Samantala, tanging sa diesel lamang magpapatupad ng taas presyo ang kumpaniyang Eastern Petroleum.
By Jaymark Dagala
