Muling inilarga ng mga kumpanya ng langis ang dagdag-presyo sa kanilang mga produkto, simula ngayong araw.
Epektibo alas-12:01 kaninang hatinggabi nang ipatupad ng Flying V ang dagdag singkwenta sentimos (P0.50) sa kada litro ng gasolina; trenta sentimos (P0.30) sa diesel gayundin sa kerosene.
Sabay-sabay namang nagpatupad ng kahalintulad na price increase kaninang alas-6:00 ang Shell, Petron, Jetti, Chevron, Eastern Petroleum, Seaoil at PTT Philippines.
Ito na ang ika-apat na beses na nagpatupad ng oil price increase ang mga naturang kumpanya sa unang isa’t kalahating buwan pa lamang ng taong 2017.
By Drew Nacino
