Nakaamba na naman ang dagdag-presyo sa mga produktong petrolyo bukas, Martes.
Ayon sa magkahiwalay na abiso ng Pilipinas Shell Petroleum Corp. at Seaoil Philippines Inc., nasa P0.85 ang itataas ng kada litro ng kanilang gasolina, P1.00 naman sa kerosene, at P1.10 sa diesel.
Magpapatupad naman ng kaparehong taas-presyo ang Cleanfuel at Petro Gazz, maliban sa kerosene.
Epektibo naman ang nabanggit na oil price hike, alas-6 ng umaga bukas, Martes.
Samantala, ito na ang ikalawang sunod na linggo na magpapatupad ng dagdag-presyo sa mga produktong petrolyo.
