Ilalarga na ng mga kumpaniya ng langis ang kanilang taas presyo sa mga produktong petrolyo ngayong Martes Santo, Marso 27.
Epektibo ala 6:00 ngayong umaga, 1.15 sentimos ang itataas sa presyo sa kada litro ng gasolina; 1.10 sentimos naman sa kada litro ng diesel habang 1.00 sa kada litro ng kerosene.
Partikular na nagdeklara ng kanilang oil price increase ngayong Semana Santa ang mga kumpaniyang Shell, Flying V, PTT, Seaoil, Phoenix at Eastern Petroleum.
Sinasabing resulta ng paggalaw ng presyo ng langis sa world market ang panibagong yugto na ito ng taas presyo sa mga produktong petrolyo sa lokal na merkado.
