Inilarga na ng mga kumpaniya ng langis ang kanilang price rollback sa presyo ng kanilang mga produktong petrolyo.
Epektibo alas-12:01 kanina, ibinaba na ng mga kumpaniyang Caltex, Flying V, Petron at Seaoil sa P0.60 ang kada litro ng kanilang gasoline.
Uno kuwarenta’y singko (P1.45) naman ang kanilang itatapyas sa presyo ng kada litro ng kanilang diesel at kerosene.
Ala-6:00 naman ngayong umaga, ipinatupad naman ng mga kumpaniyang Shell, Phoenix Petroleum, Total at PTT ang kahalintulad na tapyas presyo sa kanilang mga produkto.
Una nang nag-anunsyo ng kanilang rollback sa presyo ng mga produkto ang kumpaniyang Eastern Petroleum epektibo ala-6:00 kagabi.
By Jaymark Dagala
