Tuloy pa rin ang opensiba ng pamahalaan at pagtugis sa mga miyembro ng New People’s Army na may warrant of arrest.
Binigyang diin ito ng Malakanyang sa gitna ng pahayag ni Pangulong Rodrigo Duterte na handa na siya sa muling pagbabalik sa “negotiating table” ng gobyerno at National Democratic Front of the Philippines.
Ayon kay Presidential Spokesman Harry Roque , hanggat hindi pa pormal na umuusad ang usaping pangkapayapaan ay tuluy – tuloy pa rin ang mga ikakasang operasyon ng pulisya at militar laban sa mga rebelde.
Giit pa ni Roque , sasabayan lamang ng gobyerno ang ginagawa ng npa na hanggang sa ngayon ay tuluy tuloy ang ginagawang pag – atake at pananambang sa tropa ng pamahalaan at ilang sibilyan.
