Hindi mahihinto ang operasyon ng ABS-CBN sa Mayo kahit mapapaso na ang prangkisa nito.
Ito ang tiniyak ni House Speaker Alan Peter Cayetano kahit wala pang bagong prangkisa ang media network.
Ayon kay Cayetano nais niyang panagutan at ayusin ng ABS-CBN kung anoman ang mga problema at isyu na kanilang kinakaharap.
Ngunit ani Cayetano hindi niya ma-imagine na mawawala ang pamamahayag ng ABS-CBN sa bansa.
Aniya malaki na ang naging parte ng ABS-CBN sa buhay ng bawat Pilipno.
Wala rin naman aniyang rason para ipasara ang media network.
Kinilala rin ni Cayetano ang papel ng media giant ngayong panahon ng krisis bunsod ng coronavirus disease 2019 (COVID-19).
Nakatakdang mapaso sa Mayo 4 ang prangkisa ng ABS-CBN.
