Balik na sa normal ang operasyon ng University of the East Recto Main Campus ngayong Martes, Abril 5.
Ito’y matapos ang nangyaring sunog sa unibersidad na tumupok sa tatlong gusali nito noong Sabado.
Base sa official statement na ipinost ng UE Administration sa kanilang Facebook account, maaari nang mag-inquire hinggil sa enrolment para sa summer classes at first semester classes, kabilang na ang senior high school simula ngayong araw na ito.
Itinakda sa April 11 ang pagsisimula ng summer classes, habang sa June 13 ang umpisa ng first semester classes.
By Meann Tanbio
